ក្រោមគំនិតផ្តួចផ្តើម "ផ្តល់ត្រលប់ទៅវិញ និងរួមចំណែកសម្រាប់សហគមន៍ (Give Back to the Community and Pay Forward)" ដល់សង្គមនិងបរិស្ថាននៅកម្ពុជា, នាថ្ងៃសុុក្រ ៧រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៦ ខែតុលា ឆ្នាំ២០២៣ ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) រួមដំណេីរដោយលោក ឃុន វាសនា, លោក ប៉ូ សំអាង, កញ្ញា ឈាន សុខារី, លោក ហាយ សុវណ្ណា ដែលជាថ្នាក់ដឹកនាំនាយកដ្ឋាន និងសហការីនៃ ន.ប.ធ. បានរៀបចំកម្មវិធីការងារសង្គម-បរិស្ថាន (TR's ESG Initiative) នៅទីតាំងសាលាដូង កំពូលភ្នំគីរីរម្យ ដោយបានពាំនាំនូវអំណោយសប្បុរសធម៌ រួមមាន៖ អង្ករ, ប្រេងឆា, ទឹកស៊ីអ៊ីវ, ទឹកត្រី, ត្រីខ, ត្រីងៀត, ពងទាប្រៃ, ស្ករស, អំបិល, សម្ភារៈនិងថ្នាំពេទ្យ, និងសម្ភារៈសិក្សាប្រើប្រាស់មួយចំនួនទៀត ជាដើម ព្រមទាំងបានផ្តល់សេចក្តីស្រលាញ់, សេចក្តីសង្ឃឹម, ការយកចិត្តទុកដាក់, ការចែករំលែកនូវបទពិសោធន៍ជីវិតនិងការងារ ក៏ដូចជាផ្តល់កម្លាំងចិត្តដល់កុមារនៅក្នុងសាលា ដើម្បីក្លាយជាទំពាំងស្នងឫស្សីដ៏រឹងមាំរបស់សង្គមនៅថ្ងៃអនាគត។ កម្មវិធីនេះ មានការចូលរួមគាំទ្រផងដែរពីក្រុមហ៊ុន កាណា ត្រាស ឯ.ក, ធនាគារ ស៊ីអាយអិមប៊ី ភីអិលស៊ី, ធនាគារ អេស៊ីលីដា ភីអិលស៊ី, ធនាគារ អេស៊ា-ប៉ាស៊ីហ្វិក ឌីវេឡុបមេន ម.ក, ធនាគារ ស្ថាបនា ភីអិលស៊ី និងក្រុមបរធនបាល។