នាព្រឹកថ្ងៃសុក្រ ៩កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែមករា ឆ្នាំ២០២៤ ឯកឧត្ដម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) រួមដំណើរដោយ ឯកឧត្តមអគ្គនាយករង លោក លោកស្រីជាថ្នាក់ដឹកនាំបច្ចេកទេស និងសហការីនៃ ន.ប.ធ. បាននាំយកអំណោយជាសម្ភារៈប្រើប្រាស់ និងគ្រឿងឧបភោគបរិភោគ ព្រមទាំងរៀបចំជាអាហារសាមគ្គី ជូនដល់មជ្ឈមណ្ឌលទារក និងកុមារជាតិ ដែលជាមជ្ឈមណ្ឌលផ្ដល់ការមើលថែទាំក្មេងៗ ដែលកំព្រា គ្មានអាណាព្យាបាល និងមានពិការភាព ទាំងការរស់នៅ ហូបចុក និងការមើលថែទាំជំងឺផ្សេងៗ។ កម្មវិធីនេះក៏មានការចូលរួមពីតំណាងក្រុមបរធនបាលពាក់ព័ន្ធផងដែរ។