នាថ្ងៃអាទិត្យ ៨រោច ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១១ ខែមករា ឆ្នាំ២០២៦ ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) បានអញ្ជើញចូលរួមជាអធិបតីក្នុងសិក្ខាសាលា “ច្បាប់ស្ដីពីបរធនបាលកិច្ច” អមដោយលោកស្រី ឈាន សុខារី ប្រធាននាយកដ្ឋានកិច្ចការគតិយុត្ត និងអធិការកិច្ច ជាវាគ្មិន ដែលសហការរៀបចំដោយ ន.ប.ធ. និងវិភាគទានច្បាប់ នៅអគារមជ្ឈមណ្ឌលអភិវឌ្ឍធុរកិច្ច។ សិក្ខាសាលានេះរៀបចំឡើងក្នុងគោលបំណងផ្សព្វផ្សាយបញ្ជ្រាបការយល់ដឹងឱ្យកាន់តែទូលំទូលាយ និងស៊ីជម្រៅបន្ថែមលើក្របខ័ណ្ឌច្បាប់ និងបទប្បញ្ញត្តិក្នុងវិស័យបរធនបាលកិច្ច ដល់សិស្សចៅក្រម សិស្សព្រះរាជអាជ្ញា អ្នកវិជ្ជាជីវៈច្បាប់ និងសិស្សនិស្សិតដែលជាសមាជិកវិភាគទានច្បាប់សរុបចំនួន ១៨៥ នាក់។