នាថ្ងៃអង្គារ ១១កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែធ្នូ ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ, និយ័តករបរធនបាលកិច្ច (ន.ប.ធ.) បានរៀបចំសិក្ខាសាលាផ្សព្វផ្សាយគោលការណ៍ណែនាំចំនួន ៣ (បី) រួមមាន៖ ១)​.គោល​ការណ៍​ណែនាំស្ដីពី ”ការគ្រប់គ្រងទ្រព្យសម្បត្តិរដ្ឋរបស់​ ន.ប.ធ.”​, ២).គោល​ការណ៍​ណែនាំស្ដីពី “​ការជ្រើសរើស​មន្រ្ដី​​“ និង ៣).សេចក្តី​ណែនាំស្ដីពី ​“ការប្រើប្រាស់​ប្រព័ន្ធ​ម៉ាស៊ីន​មេ (Server) សម្រាប់​ការប្រេីប្រាស់ផ្ទៃក្នុងរបស់​ ន.ប.ធ.” ដេីម្បីបញ្រ្ជាបការយល់ដឹងផ្ទៃក្នុងដល់ថ្នាក់ដឹកនាំ និងមន្រ្តីនៃ ន.ប.ធ. ក្នុងគោលបំណងជំរុញឱ្យមាននិយាមច្បាស់លាស់ក្នុងការអនុវត្តការងារក្នុងក្របខណ្ឌផ្ទៃក្នុងរបស់ ន.ប.ធ. ក្រោមអធិបតីភាពរបស់ ឯកឧត្តម សុខ ដារ៉ា អគ្គនាយកនៃ ន.ប.ធ. អមដោយ ឯកឧត្តម/លោកអគ្គនាយករង លោក/លោកស្រីប្រធាននាយកដ្ឋាន និងមន្ដ្រីទាំងអស់នៃ ន.ប.ធ. នៅសណ្ឋាគារ ខេមរាអង្គរ និងស្ប៉ា ខេត្តសៀមរាប។