នាព្រឹកថ្ងៃពុធ ១៤កេីត ខែអាសាឍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៩ ខែកក្កដា គ.ស.២០២៥ និយ័តករបរធនបាលកិច្ច (ន.ប.ធ.) បានរៀបចំកិច្ចប្រជុំស្តីពី "ការបូកសរុបសមិទ្ធផលការងារប្រចាំឆមាសទី១ ឆ្នាំ២០២៥ និងទិសដៅការងារបន្ត" របស់ ន.ប.ធ. ក្រោមអធិបតីភាពរបស់ ឯកឧត្តម សុខ ដារ៉ា អគ្គនាយកនៃ ន.ប.ធ. នៅមជ្ឈមណ្ឌល​អភិវឌ្ឍធុរកិច្ច ​(Business Development Center-BDC)។ នៅក្នុងកិច្ចប្រជុំនេះ មានការធ្វើបទបង្ហាញពីគ្រប់នាយកដ្ឋានចំណុះនៃ ន.ប.ធ. ដោយបានបង្ហាញអំពីសមិទ្ធផលការងារប្រចាំឆមាសទី១​ ឆ្នាំ២០២៥ និងទិសដៅការងារបន្ត ព្រមទាំងមានការពិភាក្សាយ៉ាងផុសផុលក្នុងកម្រិតមន្ត្រី និងថ្នាក់ដឹកនាំរបស់ ន.ប.ធ. លើបញ្ហាប្រឈម និងដំណោះស្រាយដែលបានអនុវត្តកន្លងមក និងលើកឡើងនូវវិធីសាស្ត្រដើម្បីត្រៀមខ្លួនក្នុងការអនុវត្តការងារនៅឆមាសបន្ទាប់ឱ្យកាន់តែល្អប្រសើរថែមទៀត។ នៅចុងបញ្ចប់នៃកម្មវិធី​ ន.ប.ធ.​ ក៏បានចែកជូននូវបណ្ណសរសេីរជូនដល់មន្រ្តីឆ្នេីមដែលបានបំពេញការងារលេចធ្លោ​ ទទួលខុសត្រូវខ្ពស់​ ទៀងទាត់ពេលវេលា​ ទំនាក់ទំនងល្អ​ និងលះបង់ខ្ពស់ដេីម្បីស្ថាប័ន។