នារសៀលថ្ងៃពុធ ១១កើត ខែពិសាខ ឆ្នាំម្សាញ់ សប្តស័ក ព.ស. ២៥៦៨ ត្រូវនឹងថ្ងៃទី៧ ខែឧសភា ឆ្នាំ២០២៥ ឯកឧត្ដម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) អមដោយសហការី បានអញ្ជើញទទួលជួបប្រជុំជាមួយលោក Ashley Ong នាយកប្រតិបត្តិ និងលោកស្រី Yvonne Lee នាយកគ្រប់គ្រងផ្នែកនីតិកម្ម របស់ក្រុមហ៊ុន Lion Trust (Singapore) Limited, លោក គង់ ប៊ុននរិន្ទ នាយកប្រតិបត្តិ របស់ធនាគារ ស៊ីស៊ីយូ ខមមើសល ប៊ែង ម.ក និងលោក Eric Loo របស់ក្រុមហ៊ុន បេនចារ៉ាន អ៊ែសេត មេនេចម៉ិន(ខេមបូឌា) ម.ក ដើម្បីពិភាក្សាអំពីកាលានុវត្តភាពសម្រាប់ការវិនិយោគនៅកម្ពុជា និងស្វែងយល់អំពីការអភិវឌ្ឍទីផ្សារបរធនបាលកិច្ច ក៏ដូចជាគំនិតផ្តួចផ្តើមនានាដើម្បីអភិវឌ្ឍបរធនបាលកិច្ចគ្រួសារ ផងដែរ។