កម្មវិធីសិក្ខាសាលានេះ ត្រូវបានរៀបចំឡើងក្នុងគោលបំណង ចែករំលែកចំណេះដឹង និងបទពិសោធន៍ពីប្រទេសសិង្ហបុរីពាក់ព័ន្ធនឹងបរធនបាលកិច្ចគ្រួសារ មានដូចជា៖ ការបង្កើត ការប្រព្រឹត្តិទៅ តួអង្គពាក់ព័ន្ធ និងរចនាសម្ព័ន្ធនៃការគ្រប់គ្រងបរធនបាលកិច្ចគ្រួសារ ភាពធានាបាននូវស្ថិរភាពហិរញ្ញវត្ថុគ្រួសារឆ្លងជំនាន់ ព្រមទាំងមានករណីសិក្សាតាមប្រភេទនៃជម្រើស និងផលប្រយោជន៍ប្រៀបធៀបនៃការប្រើប្រាស់យន្តការនេះផងដែរ។ កម្មវិធីសិក្ខាសាលានេះ មានការអញ្ជើញចូលរួមជាវាគ្មិនកិត្តិយសពីលោក John Tan ជានាយកប្រតិបត្តិ ក្រុមហ៊ុនបរធនបាលហ្វីលីព (សិង្ហបុរី) និងលោក ព្រឿង សុភាព ជាអ្នកគ្រប់គ្រងទូទៅនៃ ក្រុមហ៊ុនបរធនបាលហ្វីលីព ត្រាសធី (កម្ពុជា) និងលោក ផង់ វិចិត្រ ជាប្រធានផ្នែកច្បាប់ នៃក្រុមហ៊ុនបរធនបាលហ្វីលីព ត្រាសធី (កម្ពុជា) ព្រមទាំងមានការចូលរួមដោយពីថ្នាក់ដឹកនាំ និងមន្ត្រីនៃ ន.ប.ធ.។