នាព្រឹកថ្ងៃសុក្រ ១៣រោច ខែចេត្រ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២៥ ខែមេសា គ.ស.២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.), ឯកឧត្តម ណី សាកល អគ្គនាយករងនៃ ន.ប.ធ. និងជាសមាជិកគណៈកម្មាធិការគ្រប់គ្រងកម្មវិធីសិក្សាគណនេយ្យករជំនាញកម្ពុជា អមដោយមន្ត្ត្រីជំនាញ បានចូលរួមសិក្ខាសាលាផ្សព្វផ្សាយស្តីពី “កម្មវិធីសិក្សាគណនេយ្យករជំនាញកម្ពុជា” ដែលរៀបចំដោយនិយ័តករគណនេយ្យ និងសវនកម្ម ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ងី តាយី រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មាធិការគ្រប់គ្រងកម្មវិធីសិក្សាគណនេយ្យករជំនាញកម្ពុជា នៅសណ្ឋាគារ ភ្នំពេញ។ នៅក្នុងសិក្ខាសាលាផ្សព្វផ្សាយនេះមានការចូលរួមពី ថ្នាក់ដឹកនាំ និងតំណាងអង្គភាពក្រោមឱវាទ អ.ស.ហ., ស្ថាប័នពាក់ព័ន្ធ, សមាជិកសមាជិកានៃគណ:កម្មាធិការ, គ្រឹះស្ថានអប់រំ, និយោជិក, សិស្ស-និស្សិត និងសាធារណជន។