នាព្រឹកថ្ងៃអង្គារ ១០រោច ខែចេត្រ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២២ ខែមេសា គ.ស.២០២៥ ឯកឧត្តម សុខ ដារ៉ា អគ្គនាយក ន.ប.ធ. បានចូលរួមជាអធិបតី និងផ្តល់មតិបើកកម្មវិធីសិក្ខាសាលាស្តីពី “ច្បាប់កិច្ចសន្យា៖ បទពិសោធអនុវត្តន៍” ដែលសហការរៀបចំដោយ ន.ប.ធ. និយ័តករមូលបត្រកម្ពុជា និយ័តករធានារ៉ាប់រងកម្ពុជា និងវិទ្យាស្ថានខេមអេដ នៅវិទ្យាស្ថានខេមអេដ។ សិក្ខាសាលានេះត្រូវបានរៀបចំឡើងក្នុងគោលបំណងដើម្បីកសាងសមត្ថភាពមន្រ្តីនៃនិយ័តករបរធនបាលកិច្ច, និយ័តករមូលបត្រកម្ពុជា និងនិយ័តករធានារ៉ាប់រងកម្ពុជា លើចំណេះដឹងបន្ថែមអំពីច្បាប់កិច្ចសន្យា។ កម្មវិធីនេះ មានការអញ្ជើញចូលរួមចែករំលែកដោយលោកបណ្ឌិត ព្រំម វីរៈ ប្រធានក្រុមប្រឹក្សាភិបាល នៃវិទ្យាស្ថាន ខេមអេដ និងមានការចូលរួមពីថ្នាក់ដឹកនាំ និងមន្ត្រីជំនាញ នៃនិយ័តករទាំង ៣។