ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៩ ដែលនឹងមកដល់នាពេលខាងមុខនេះ, នារសៀលថ្ងៃសុក្រ ១៤កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមេសា គ.ស.២០២៥ ឯកឧត្ដម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) និងលោកជំទាវ រួមដំណើរដោយ ឯកឧត្តមអគ្គនាយករង លោក លោកស្រីជាថ្នាក់ដឹកនាំបច្ចេកទេស និងសហការីនៃ ន.ប.ធ. បានចុះទៅមជ្ឈមណ្ឌលទារក និងកុមារជាតិ ដេីម្បីសួរសុខទុក្ខ លើកទឹកចិត្ត ចែករំលែក និងផ្តល់ក្តីស្រលាញ់ ដល់ក្មេងៗកំព្រា គ្មានអាណាព្យាបាល និងមានពិការភាព ទាំងការរស់នៅ និងហូបចុក ក៏ដូចជាលើកទឹកចិត្ត និងគាំទ្រដល់បុគ្គលិកបម្រើការងារមើលថែទាំក្មេងៗ ព្រមទាំងមានការរៀបចំជាអាហារពេលល្ងាច ភេសជ្ជៈ និងប្រគល់គ្រឿងបរិភោគនិងសម្ភារៈដែលចាំបាច់ក្នុងការប្រេីប្រាស់ប្រចាំថ្ងៃ ជូនដល់បុគ្គលិក និងក្មេងៗនៅក្នុងមជ្ឈមណ្ឌល។