នារសៀលថ្ងៃព្រហស្បតិ៍ ១ រោច ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៣ ខែកុម្ភៈ ឆ្នាំ២០២៥ ឯកឧត្ដម ណី សាកល អគ្គនាយករងនៃនិយ័តករបរធនបាលកិច្ច (ន.ប.ធ.) តំណាងដ៏ខ្ពង់ខ្ពស់របស់ឯកឧត្តម សុខ ដារ៉ា អគ្គនាយកនៃ ន.ប.ធ. អមដោយសហការី បានអញ្ជើញចូលរួមកម្មវិធីសម្ភោធជាផ្លូវការរបស់ក្រុមហ៊ុន អេសអិម គ្លូប៊ល ត្រាស់ & អ៊ិនវេសមេន មេណេជឺមេន ឯ.ក ដែលជាក្រុមហ៊ុនបរធនបាលដែលទទួលបានអាជ្ញាបណ្ណពី ន.ប.ធ. និងកម្មវិធីចុះអនុស្សារណៈនៃការយោគយល់គ្នារវាងក្រុមហ៊ុន អេសអិម គ្លូប៊ល ត្រាស់ & អ៊ិនវេសមេន មេណេជឺមេន ឯ.ក និងធនាគារ ស្ថាបនា ភីអិលស៊ី និងរវាងក្រុមហ៊ុន អេសអិម គ្លូប៊ល ត្រាស់ & អ៊ិនវេសមេន មេណេជឺមេន ឯ.ក និងក្រុមហ៊ុន Realestate.com.kh។ កម្មវិធីនេះមានការចូលរួមពីថ្នាក់ដឹកនាំ និងតំណាងសមាគមកូរ៉េនៅកម្ពុជា គ្រឺះស្ថានហិរញ្ញវត្ថុ វិនិយោគិនអន្តរជាតិ និងស្ថាប័នពាក់ព័ន្ធផ្សេងទៀត។