នៅព្រឹកថ្ងៃពុធ ៨កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៦ ខែកក្កដា ឆ្នាំ២០២២ ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) រួមដំណេីរដោយឯកឧត្តមអគ្គនាយករង នង ពិសិដ្ឋ ឯកឧត្តមអគ្គនាយករង ណី សាកល លោក-កញ្ញា ដែលជាប្រធាននាយកដ្ឋាន និងសហការី បានរៀបចំកម្មវិធីសប្បុរសធម៌នៅវិទ្យាស្ថានអភិវឌ្ឍន៍ភាពជាអ្នកដឹកនាំ និងចរិតលក្ខណៈ (LCDI) ដោយបានពាំនាំនូវអំណោយសប្បុរសធម៌ រួមមាន៖ អង្ករ, ប្រេងឆា, ទឹកស៊ីអ៊ីវ, ទឹកត្រី, ត្រីខ, ស្ករស, អំបិល, សម្ភារៈនិងថ្នាំពេទ្យ និងសម្ភារៈសិក្សាមួយចំនួនទៀត ព្រមទាំងបានចែករំលែកបទពិសោធន៍ជីវិតនិងការងារ, សេចក្តីស្រលាញ់ និងការយកចិត្តទុកដាក់ ក៏ដូចជាការផ្តល់កម្លាំងចិត្តដល់កុមារនៅក្នុង LCDI ដើម្បីក្លាយជាទំពាំងស្នងឫស្សីដ៏រឹងមាំរបស់សង្គមនៅថ្ងៃអនាគត។