នៅថ្ងៃអង្គារ ១កេីត ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៥ ខែតុលា ឆ្នាំ២០២២, បន្ទាប់ពីបញ្ចប់កម្មវិធីសិក្ខាសាលាផ្សព្វផ្សាយបញ្រ្ជាបការយល់ដឹងកម្រិតផ្ទៃក្នុង ន.ប.ធ. ក្នុងក្របខណ្ឌនៃការអនុវត្តសកម្មភាពការងារកែទម្រង់ការគ្រប់គ្រងហិរញ្ញវត្ថុសាធារណៈ, ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) រួមដំណេីរដោយឯកឧត្តម នង ពិសិដ្ឋ, ឯកឧត្តម ណី សាកល អគ្គនាយករងនៃ ន.ប.ធ. លោក ឃុន វាសនា, លោក ប៉ូ សំអាង, កញ្ញា ឈាន សុខារី, លោក ហាយ សុវណ្ណា ដែលជាថ្នាក់ដឹកនាំនាយកដ្ឋាន និងសហការីនៃ ន.ប.ធ. បានរៀបចំកម្មវិធីសប្បុរសធម៌នៅមជ្ឈមណ្ឌល បុរីកុមារ ក្រុងព្រះសីហនុ ដោយបានពាំនាំនូវអំណោយសប្បុរសធម៌ រួមមាន៖ អង្ករ, ប្រេងឆា, ទឹកស៊ីអ៊ីវ, ទឹកត្រី, ត្រីខ, ស្ករស, អំបិល, សម្ភារៈនិងថ្នាំពេទ្យ និងសម្ភារៈសិក្សាមួយចំនួនទៀត ព្រមទាំងបានផ្តល់សេចក្តីស្រលាញ់, សេចក្តីសង្ឃឹម, ការយកចិត្តទុកដាក់, ការចែករំលែកនូវបទពិសោធន៍ជីវិតនិងការងារ ក៏ដូចជាផ្តល់កម្លាំងចិត្តដល់កុមារនៅក្នុងមជ្ឈមណ្ឌល ដើម្បីក្លាយជាទំពាំងស្នងឫស្សីដ៏រឹងមាំរបស់សង្គមនៅថ្ងៃអនាគត។
© រក្សាសិទ្ធិ ២០២៣ និយ័តករបរធនបាលកិច្ច (ន.ប.ធ.)