និយ័តករបរធនបាលកិច្ច(ន.ប.ធ.) មានកិត្តិយសសូមជម្រាបជូនដំណឹងដល់បុគ្គលត្រូវទទួលស្គាល់ គុណវល្លិក្នុងវិស័យបរធនបាលកិច្ចសម្រាប់ក្រុមហ៊ុនបរធនបាល, ក្រុមបរធនបាលនៃបរធនបាលកិច្ចហិរញ្ញវត្ថុ, បរធនបាលរូបវន្តបុគ្គលឯករាជ្យ ប្រតិបត្តិករបរធនបាលផ្តល់សេវារក្សាសុវត្ថិភាព ឬសេវារក្សាទុក (Escrow Services) ក្នុងវិស័យបរធនបាលកិច្ច, ក្រុមហ៊ុនវាយតម្លៃក្នុងវិស័យបរធនបាលកិច្ច, ក្រុមហ៊ុនផ្តល់សេវាសវនកម្មក្នុងវិស័យ បរធនបាលកិច្ច និងសាធារណជនទាំងអស់មេត្តាជ្រាបថា: ន.ប.ធ. នឹងរៀបចំវគ្គបណ្តុះបណ្តាល និងការប្រឡង គុណវុឌ្ឈ និងកម្មវិធីអប់រំវិជ្ជាជីវៈបន្ត ក្នុងវិស័យបរធនបាលកិច្ច លើកទី៥ ចាប់ពីថ្ងៃ១ ដល់ថ្ងៃទី៤ ខែកក្កដា ឆ្នាំ២០២៤ នៅអគារមជ្ឈមណ្ឌលអភិវឌ្ឍធុរកិច្ច ជាន់ទី១៥។ សម្រាប់ព័ត៌មានបន្ថែម សូមទំនាក់ទំនងតាមរយៈ លេខទូរសព្ទតេលេក្រាម ០១០ ៤១៥ ៥២០/០៩៦ ៧៤០ ៨៨៩៣/០៧៧ ២៧៨ ០១៩ ឬអ៊ីមែល info@ trustregulator.gov.kh បញ្ជាក់ ៖ ន.ប.ធ. សូមរក្សាសិទ្ធក្នុងការកែប្រែការរៀបចំវគ្គបណ្តុះបណ្តាល និងការប្រឡងគុណវឡិ និងកម្មវិធីអប់រំវិជ្ជាជីវៈបន្ត ក្នុងវិស័យបរធនបាលកិច្ច លើកទី៥ ប្រសិនបើមានការចាំបាច់។ អាស្រ័យដូចបានជម្រាបជូនខាងលើ សូមបេក្ខជនដែលត្រូវចូលរួមវគ្គបណ្តុះបណ្តាល និងការប្រឡង គុណវល្លិ និងកម្មវិធីអប់រំវិជ្ជាជីវៈបន្ត ក្នុងវិស័យបរធនបាលកិច្ចលើកទី៥ ទាំងអស់មេត្តាជ្រាបជាព័ត៌មាន។